பென்ஷன் Vs டென்ஷன்

முடியல!
பென்ஷன் வாங்க ஆரம்பிச்சா
டென்ஷன் இருக்காதுன்னு நினைச்சேன்
டென்ஷன் இல்லைன்னு
மென்ஷன் பண்ணிப் பண்ணியே
டென்ஷன் பண்றாங்க

சும்மாத்தான் சொல்றாங்களோன்னு பாத்தா
சும்மாதானே இருக்கேன்னு
சும்மா சும்மா வேலை கொடுத்து
சும்மா இருக்கேனான்னு பாக்கறாங்க
ஒண்ணொண்ணாப் பண்ணாலும்
ஒண்ணும் பண்ணாம இருக்கிறவனுக்கு
ஒண்ணொண்ணும் பண்ண இத்தனை நேரமான்னு
ஒண்ணா கத்தறாங்க
ரெண்டு காதும் கேட்டாலும்
ரெண்டு ரெண்டு தரம் சொல்லி
ரெண்டுங்கெட்டான் ஆக்கறப்போ
ரெண்டு போடலாமான்னு வருது
முடியலைன்னு சொன்னா வேலை
முடியலையா பண்ண
முடியலையான்னு கிண்டல்-
முடியல்லப்பா இவங்களோட!