ஒரு நொடி சுகம்

ஒரு நொடி சுகம்

அவிக்கப் போட்ட முட்டைகள் ஆரம்ப கணத்தில்  

இளம்சூட்டை உணர்ந்தபோது ஒரு  நொடி அடிவயிற்றில்

அரவணைக்கும் தன் தாயின் அன்பென்றுதான் நினைத்தன.

தாளிக்கும் கடாயில் விழுந்தபோது முளைவிட்ட பாசிப்பயறு

நட்டுவைத்த பந்தல் கொடியை அணைத்தபடி வளர்ந்திடும்

நாட்களை ஒரு  நொடி கற்பனை செய்து ரசித்துக் கொண்டது

பொங்கிவரும் ஆற்றில் குளித்து விளையாட எம்பிக் குதித்து  

நீந்திச்சென்ற ஆண்பாதிகள் அனைத்தும் ஒரு  நொடியில்

ஒரு இரப்பர் அணைக்கட்டில் தலைமுட்டி மரித்தன.

பிசுபிசுத்த ஈரமெதுவும் கையில் படாமல் சாப்பிடத்தான் கடவுள்

வாழைப்பழத்திற்கு முன்று ஜிப் வைத்த தோலை கொடுத்தானோ

என யோசித்தபடியே நடக்கையில் ஒரு  நொடி வேறொருவன்

சாப்பிட்டு எறிந்த பழத்தோலை மிதித்துவிட்டேன் நான்.....!!!